من حقهم
من حقهم
البقاء على دين آبائهم
من حقهم يكونوا أنفسهم
ذواتهم
من حقهم ألا نضطرهم التخفي خلف ديانة لا يدينون بها
من حقهم أن يعيشوا أرض واقع مصري حر
بدون تمييز
لا أن يعيشوا أرض نفاق
من حقهم
أوراق ثبوتية
بهائية
مصرية
كما كانت لآبائهم
من قبلهم
وان لم تنصفهم المحكمة
علينا أن نكون هناك
لمساندتهم
اذا كنت ترفض التمييز الديني، اذا كنت تؤمن بحقوق المواطنة، اذا كنت تنادي باصلاح ديموقراطي ووطن عادل لجميع أبنائه
شاركنا الوقفة التضامنية ضد التمييز
السبت 16 ديسمبر 2006 – العاشرة صباحا – مجلس الدولة
ندعوكم لمساندة المواطن البهائي المصري حسام عزت محمد موسى
مواليد 22 يناير 1965
المهنة مهندس
الديانة بهائي
بطاقة شخصية رقم 5120 الصادرة عام 1995
من حق الأستاذ حسام استخراج شهادات ميلاد لابنائه وبناته
المصريين البهائيين
بيان المبادرة المصرية للحقوق الشخصية – هنا
تغطيات اعلامية حول البهائيين المصريين – هنا
اقرأ لأحد البهائيين المصريين – هنا
وقع عريضة وقف التمييز الديني ضد البهائيين المصريين – هنا
اللافتة تصميم أحمد غربية
تبحثون عن مكعبات الثلج في وسط قيظ الصيف و في أشد البيد جفافا … لا توجد قضيه من حقهم لكنها مكعبات الثلج
مع الاسف ! ممكن اقوى مااقدرش اشارك فىالوقفة
انمكا انا فعلا بادعم حق البهائين وكل واحد فى الاعلان عن هويته واثباتها بشكل رسمى
لو واحد مش مسلم…نجبره ليه يقول على نفسه مسلم؟؟!
اللافتة حلوة على فكرة
باحلم بمصر فيها سبعين مليون واحد زيكم
وانا بحلم مع “البهائي المصري” بسبعين مليون واحد زيكم بمصر، وكمان بعالم فية 700 مليون واحد زيكم، حتى يعرف الكل انه للحق شجعان بينصروه وبدافعو عنه وين ما كان ولمين ما كان.
هذه هي ذروة النخوة والانسانية. مع امنياني وتقديري
نسرين
طبعا أنا مع حق البهائيين في كتابة ديانتهم في الخانة المخصصة. سيبك بقي من النقطة دي، في سؤال عندي كنت كتبته عند طي المتصل وعايز باردوا أسمع رأيك عشان أشغل دماغي أكتر:
لو في ديانة ومن ضمن طقوسها المرتبطة بالعقيدة – يعني حاجة أساسية – أنهم مثلا يمشوا عريانين في الشارع أو يركبوا المواصلات عريانين في حين أن القانون مثلا في أمريكا بيعتبر التعري في الشارع فعل فاضح يبقي إيه الحل؟ هل نعتبرهم بيهددوا الأمن الاجتماعي ونمنعهم ولا نسيبهم؟
طيب دلوقتي في قانون في فرنسا وألمانيا بيقول مفيش واحدة تغطي شعرها باعتبار الحجاب واحد من ضمن الرموز الدينية، طيب مش ده باردو قانون يقمع الحريات واظهار الهوية؟ في بعض الناس قالوا لأ بلاش المسلمين يعملوا مشاكل. يا إما يعيشوا تبع قانون فرنسا يا إما يسيبوا البلد!!!
أنا قلت عند أحمد إني أتساءل من أجل الوصول الي قاعدة ثابتة نحاول أن نحكم بها الأشياء حتي نستطيع التصرف بحكمة في الدعاوي المستقبلية المشابهة.
شكرا يا نورا
الفرق يا مختار أن البهائيين في هذه القضية فرضت عليهم بطاقات هوية لم يطلبوها، و إنما القانون هو الذي يفرض على المواطنين حمل البطاقات و تقديمها لمن يطلبها. هم لا يريدون ممارسة حق في هذه القضية، فقط يريدون تجنب المخالفة: يعني يمشوا من غير بطايق و الا يزوروا و يقولوا إنهم مسيحيين مثلا؟
شكرا يا نورا انك حطيتي وصلة لعريضة مساندة البهائيين على موقعك. من أسبوعين عدد الموقعين كان حوالي 190 دلوقتي قرب على الـ400 . من شهر مايو وأنا منزلة العريضة وبحاول أجمع توقيعات. مدونين محترمين زي النديم وعمرو عزت كانوا عاملين لها وصلة لكن الحماس ليها كان قليل. قضية زي قضية البهائيين للاسف تعتبرها أغلب قوى المعارضة – حتى اليسارية – قضية ثانوية تشتت الجهود وتدي انطباع سيء عند الأغلبية المتدينة من الشعب. تحية ليكي ولكل المدافعين عن حرية الفكر والاعتقاد فهي أساس كل الحريات.
لما احنا بنطالب بحقوق الاقلية اوى كدا
ومهتمين بالتعبير عن حرية الراي والاقتناع
لية باة القناعات دي مش بتظهر لما المسلمين بيضطهدوا فى الدول الاوروبية وامريكا
لية مش بنطالب الدول المتقدمة المفروض بتحترم حرية الاعتقاد انها تسيب المسلمين يغطوا شعرهم وجسمهم زى ما هما سايبين غيرهم يعروا نفسهم ؟؟
زي ما بتطالبوا بالاعتراف بالبهائية دون تمييز ديني
مسمعناش حسكم لية لما المحترم فاروق حسني تعدي على الحجاب واهانة ؟
اية سياسة اللعب على الاحبال الرابحه واليكون ضد الاسلام نطبلة
واليهين المسلمين او اى شعيرة من شعائنا نقول علية مثقف وحر فى راية
القضية المرفوعة لا دخل لها بحرية ممارسة الشعائر بأي شكل. البهائيين في مصر منذ 160 عاما وهم ممنوعون من ممارسة أي شعائر واقامة المحافل أو أي أعمال كانت تقوم بها المحافل منذ 1960. ولم تظهر أي مشاكل خاصة بهم سوى في حالات القبض الغير قانوني عليهم (الذي انتهى دائما بالافراج). البهائيين يحترمون القانون ويطيعون حكومات بلادهم لأن هذا من صميم عقائدهم. لم يقيم البهائيين المحافل منذ الغاءها ولم يطالبوا بحرية ممارسة الشعائر.
أما المشكلة الحالية فهي اجبار مصلحة الأحوال المدنية البهائيين على انكار ديانتهم في الأوراق الرسمية وهذا مخالف للدستور والقانون والاتفاقيات الدولية والمنطق بل ولأحكام الدين الاسلامي نفسه. هذه هي المشكلة وهذا هو الموضوع. اعتقد مقارنة هذا الحق بحق ممارسة السير عرايا في الشارع هي مقارنة غير موزونة.
البطاقة الشخصية توثق واقع صاحبها. اسمه، تاريخ ميلاده، نوعه، دينه الخ. يجب السماح بتدوين ديني الحقيقي بها وعدم اجباري على الاختيار من ثلاثة أديان فقط. وان لم يكن مسموحا بكتابة بهائي وذلك للخوف من اعتباره اعترافا ضمنيا بالديانة البهائية فلنكتب “أخرى” وتعني “هذا الشخص يؤمن بديانة أخرى غير الثلاثة”. وهذا ايضا اقرار بحقيقة غابت عن صاحب هذا القرار العجيب، أن نصف سكان العالم يعتنقون “ديانات أخرى” غير الثلاثة.
نورا اتصلي بي الله يكرمك
ردأ على سؤال الضوابط: الدستور المصري والقانون الدولي بيفرقوا بين حرية العقيدة وحرية ممارسة الشعائر الدينية. حرية العقيدة مطلقة لا يجوز تقييدها أو إدخال أي ضوابط عليها. أما حرية إظهار المعتقدات الدينية فمن حق الدولة إدخال قيود عليها بشروط: أن يكون ذلك لأسباب تتعلق بالنظام العام أو الآداب العامة أو الصحة العامة أو المساس بحقوق وحريات الآخرين. وحتى في هذه الحالة فإن القانون الدولي يشترط أن تثبت الدولة وجود تهديد حقيقي لأحد هذه الاعتبارات، وأن تكون القيود منصوصاً عليها في قانون، وأن تقتصر القيود على الغرض المقصود منها، والأهم ألا تكون هذه القيود تمييزية أو تفرض لأسباب تمييزية.
وكما ترى هنا فإن كل هذا لا يتعلق أبداً بقضية البهائيين الحالية حيث أنها لا تتصل بالشعائر وحتى إن اتصلت فإن سياسة الحكومة تخالف كل هذه المحددات.
كمان عايز أصحح ان قانون منع الرموز الدينية في فرنسا يسمح بالحجاب في الجامعات والمدارس الخاصة والأماكن العامة وكل مكان إلا المدارس العامة. ومع ذلك فإن منظمات حقوقية عديدة عارضته مثل هيومن رايتس ووتش وكذلك الأمم المتحدة ومن المنتظر أن تنظر فيه المحكمة الأوروبية لحقوق الإنسان في النهاية لأنه في النهاية ينطوي على تمييز ضد البنات المسلمات تحديداً.
حسام
بهائي مصري: هو أنا كلامي ماكانش واضح ولا حاجة؟ أنا باقول موافق علي حق كتابة الديانة بس باعمل تساؤل عشان نشغل دماغنا مع بعض: الي أي مدي يمكن ممارسة الحريات الدينية والشخصية في ظل قانون الدولة؟ وعشان كده ضربت مثال مش للتشبيه ولكن لاستفزاز عقلي وعقول الجميع للتفكير في سقف الحريات الدينية والشخصية
لو سمحت راجع تعليقي الأولاني لأني مش باعمل مقارنة
شكرا علي ردك
عزيزي مختار
أنا أعرف انك لا تعقد مقارنة بين الاثنين أنا فقط أوضح أن الموضوع بعيد عن ممارسة العقائد.
أعتقد الأستاذ حسام بهجت رد بشكل مباشر عن تساؤلك (في بلوج طي المتصل) بما هو معمول به في الواقع وأنا مرتاح لهذه القاعدة المعمول بها وحاسس أن ده ممكن يكون السقف المناسب.
Mukhtar: you take your argument to an unrealistic extreme which has nothing to do with this case, just like if you want to compare why an airoplane does not use railway tracks since the train uses them! You cannot compare apples and oranges. The fact that you need to know is that Baha’is propagate the same ideal teachings as any other religion, and do not have any extreme, immoral or any strange teachings you have hinted at, and of course they never “ride buses naked!” The point is that I do not see your argument and think that you are trying to avoid the issue by diverting the discussion to something else…. You should also know that this case has absolutely nothing to do with whether or not Egypt should recognize the Baha’i Faith…it is about civil and human rights, and about the right of these law-abiding and legitimate citizens to be treated equally and do not become a non-entity without any ID Cards, birth certificates, death certificates, etc…. These are their constitutionally guaranteed rights and must be enforced in practice, and not only on paper…. How do you expect them to live in Egypt without any identity? They will not be forced to move anywhere else my friend
يا زعيمة: إضافة إلى الرد عند أبو الليل على منطقك الذي كررتيه هنا؛ و وجوب أن لا نتخذ من سلوك الآخرين مبررا لسلوكنا الاضطهادي؛ و أن انتقاد الحجاب ليس مساويا لرفض استخراج البطاقات و شهادات الميلاد؛ و أن مش معنى أن وزير انتقد الحجاب أننا نضهط الأقليات عقابا لهم! توجد نقطة أخرى هامة:
الفكرة ليست تسجيل مواقف و السلام. الهدف هو تحقيق المكاسب الحقوقية لمواطنينا. لكن ليس أن أدافع عن فكرتك اليوم لكي تدافعي عن فكرتي غدا، مجاملة!
الحجاب لا يحتاج إلى من يدافع عنه (في رأيي) و لا المحجبات المصريات مهددات في مصر؛ بينما موضوع هذه القضية حياة و مصالح مواطنين مصريين (و ليسوا مواطنين دول أوروبية و أمريكية كما تقولين، لديها من النظم التي تكفل الحريات للأقلياتن بما فيهم المسلمين و المحجبات، أكثر مما لدينا بكثير). و أنا غير معترض على مبدأ التضامن مع الشعوب الأخرى.
ثم أن هناك ملايين يكرسون حياتهم للدفاع عن الحجاب بالفعل؛ مش لازم كلنا نعمل نفس الحاجة. حضرتك مقتنعة بأهمية الدفاع عن الحجاب تفضلي، و ممكن لو أقنعتيني بالأهمية دي أقف معك.
لكن مش لازم قبل ماأدافع عن حق حد أقول لك “أهو، انا بدافع عن التانيين كمان”!
يا اليف مش دا المنطق التكلمت بية
انا اقصد مجتمع المدونين المشهورين وهذة لاتدوينة من ضمنهم
يعني الهدف العام او الظاهر اننا بندافع عن الحريات
فلما تلاقيني بمشي على سطر واسيب سطر يباة معناتة اية ؟
لما تروح مقر حقوق الانسان تكتب دعوى لاضطهادك كمسلم اقف معك
يجي واحد مسيحي يكتب دعوى ونفس مقر حقوق الانسان لا يهتم بها
فهمت انا عايزة اقول اية ؟
حقوق الانسان واحده لما ننادى بيها ننادي بيها فى كل الاماكن وكل الاحوال
لو جه واحد غلط فى الراهبات وشكل حجابهم حدافع عن حرية الراهبات الدينية كما دافعت عن حجاب المسلمات
لكن لما يجي واحد ويعمل نفسة حقوقي انساني ويسيب سطر ويمسك سطر
يباة دا اسمة نفاق مش كل واحد يتضامن مع فكرة
بمناسبة تدوينة الزعيمة: الصدفة وحدها جعلتنا (في المبادرة المصرية للحقوق الشخصية) نقف أمام نفس رئيس المحكمة في قضية البهائيين وبعدها بأسبوع نقف أمامه ندافع عن الطالبة الممنوعة من دخول مكتبة الجامعة الأمريكية عشان لابسة النقاب. غالباً القاضي دلوقتي متلخبط مننا تماماً خاصة أن هناك أجزاء كثيرة متشابهة في مذكراتنا في القضيتين لأنهم في نظرنا التنين متعلقين بحدود تدخل الدولة أو الجتمع في اختيار الفرد بملابسه أو معتقداته أو شركاؤه الخ..
هنشوف
حسام
يا زعيمة:
“لما تروح مقر حقوق الانسان تكتب دعوى لاضطهادك كمسلم اقف معك
يجي واحد مسيحي يكتب دعوى ونفس مقر حقوق الانسان لا يهتم بها”
هل أنت بتتكلمي عن حادثة معينة و لا دا مثال مجرد؟
إذا كان مثال مجرد فلازم تعرفي أنك مش عارفة كل مواقف الناس ال أنت بتتكلمي عنهم و لا متابعة تاريخهم. دا مش عيب في حد ذاته لكن العيب هو الاستنتاجات من العدم.
يعني مثلا أنت ما تعرفيش أن نورا يونس قضت معظم جهدها الشتاء و الصيف ال فاتوا في نشاط يتعلق بالتضامن مع زوجات و أسر الإسلاميين المعتقلين، ماديا و معنويا و تحريضهم على المطالبة بحقوقهم و حقوق ذويهم المعتقلين. و دول معظمهم منقبات، مش بس محجبات. يعني نورا مش معادية للمسلمين زي ما أنت فاهمة.
دا مثال بسيط بس لاختصار الكلام النظري، و أرجو أن نورا ما تزعلش من أني استخدمته و أنا متأكد أن هي ما خطرش لها أنها تدافع عن نفسها به.
و الناشطين الحقوقيين التانيين تاريخهم أطول من تاريخ نورا كمان.
الدفاع عن أقلية غير مسلمة هو مش “ضد الإسلام” زي ما بيخطر في دماغ كل واحد بيقرا و يعلق. الموضوع مش “إما دا أو دا”
الحاجة التانية أن مجهودات المراكز الحقوقية مهما كبرت محدودة.
فيه قضايا مش محتاجة دعم حقوقي منهم، زي قضية المحجبات. لأن زي ما قلت قبل كدا ما فيش خطر على المحجبات في بلد فيها 80% من الستات محجبات و 90% من سكانها مسلمين. و بعدين المظاهرات ال طلعت و البرلمانيين الإخوان قاموا بواجبهم و زيادة، بالرغم أن أنا شخصيا مش مقتنع بأن موقفهم صح و لا بأهمية الدفاع عن الحجاب، لكن خلاص، دا اعتقادهم و هم قادرين يدافعوا عنه.
و في كل الأحوال لو أنت مهتمة بالدفاع عن قضية معينة اتفضلي ساعدي ما حدش من ال بيدافعوا عن البهائيين هيقول لك “منافقة، لأنك ما دافعتيش عن المسيحيين”
ما ينفعش أنك تعترضي على ال بيدافع عن حد بذريعة أنه ما دافعش عن فلان التاني قبل كدا.
[...] Bahaai’s cannot issue birth and death certificates, ID cards, or any govt document, since the interior ministry does not recognize they exist. [...]
Solidarity stand with Egyptian Bahaai’s at 3arabawy — 2006/12/14 @ 17:37
دلوقتي بهائيه
شويه ويقولك حريه شخضيه وجواز الشذوذ مباح
وشويه والاقي واحد بيعزمني علي فرح 2 رجاله بيتجوزو
مصر بلد الديانات السماويه مش بلد كفر
بصراحة انا كنت بحب المدونه دي فعلا وكان نفسي اعمل لها شغل كبير في مجال الجرافيك . ولكن بالنسبة لموضوع البهائية ده اعتقد انها جانبها الصواب …. فهل يوجد اصلا ديانه اسمها البهائية لا يوجد إلا ثلاث أديان سماوية يدين بها الناس اليهودية والمسيحية والاسلام ولكن ما هي البهائية هذه التي تتحدثون عنها . لا يوجددين بهذا الاسم ولكن اذا كنتم تحاولون ان تدافعوا عن الحريات الشخصيه فسيأتي اليوم الذي تدافعون فيه عن الشذوذ كحق من الحقوق الشخصية وغيرها الكثير .
سبحان الله
ياسر
المنصورة
[...] Bahaai’s cannot issue birth and death certificates, ID cards, or any govt document, since the Interior Ministry does not recognize they exist. [...]
The Arabist » Solidarity stand with Egyptian Bahaai’s — 2006/12/15 @ 04:54
ana bs 3yza yeb2a lihom awra2 thbooteya 3shan yeban enohom msh moslemeen 3shan lw tela7zo asameehom fiha mohammed w kda.. we da byla5bat nas kteer… ya3ny esh 3araf wa7da moslema walla mese7ya lamma wa7ed baha2i yet2admlaa enno baha2i w matnfa3sh tetgawezo w bl zabt le wa7ed moslem aw msee7y… asln abl l adeya de fe moslemeen kteer kano fakreen l baha2eya goz2 ml islaam.. ana m3 7a2 ay 7ad enno yet3abed zy mahowa 3ayez rabena howa elli hay7asbo fl a5er.. laken lazem yetmayezo fl beta2a tab3an da maloosh 3elaqa la bl 7e2oo2 wala l baha2eya asasan da fayda lel moslemin wl mese7yeen abl l baha2yeen.. ana msh shayfa en l ketaba fl beta2a da yata3arad m3 l islam.. lw yata3arad ye7otto sharta gamb l deyana laken mayseboosh l mawdoo3 kda asl ma7adesh yeqne3ny enno keda hay5allo l baha2yeen yb2o moslmeen y3ny… kda hayktbo deyana ghalat w no2a3 e7na
شئ مذهل فعلاً قدرة معارضي حقوق المصريين البهائيين على ترديد نفس السطر بغض النظر عن كل الحجج المعارضة التي توضع أمامهم ولا هما هنا. يعني كلكم (في كل المدونات) بتقولوا ان تخوفكم الرئيسي ويمكن الوحيد هو ان النهارده بهائية وبكره ديانات جديدة وبعديها شواذ (ايه اللي دخل الشواذ في البطايق؟). طيب ماشي: بنقول لكم البهائيين بقالهم 50 سنة بيتكتكب لهم بهائي في البطاقة، والسياسة اتغيرت من سنتين بس. يعني القضية بتطلب عودة الوضع إلى ما كان عليه عام 2003. برضه يقول لك دي مؤامرة ودا مش دين .. الخ. ردوا على دي!
يا ساتر.
“لا يوجد الا ثلاث ديانات سماوية يؤمن بها الناس”
مين قال الكلام ده؟ “الناس” التي تؤمن بهذه الديانات الثلاثة هم فقط نصف سكان الأرض. النصف الآخر يؤمن بديانات أخرى. ثم من يحق له تصنيف الديانات بين سماوية وأرضية؟ هذا التصنيف غير موجود في القرآن أو السنة. بل أن القرآن نفسه ذكر أن هناك من الرسل من لم يقصص عنهم الله لسيدنا محمد (ص). الدين البهائي دين من الله ونحن نعبد الله الواحد ونؤمن بأن كل الرسل جاءت برسالة الهية من مصدر واحد. فما هو مفهوم الكفر هنا ومن أين جاء؟ هذا بالطبع ليس له دخل بحق حتى من لا دين له بالحصول على جميع حقوقه المدنية وهذه نقطة منفصلة تماما.
dears by the way there are nothing called bahaie but we are pretending that there is .Please recegonize that life is engaged with difficulties which means that we dont have enough time to disscuss such issues islam,christian,even jewish are religions NO MORE i think i am clear with my respects to others there are many people dreaming of more important things than being in a NO EXIST religon ‘bahai’
Dear Sarah
I Exit
I’m A Baha’i
Therefore the Baha’i Faith exists
The matter is not that simple but I wanted to phrase it in the simplest way possible to match the simplicity in which you denied my existence
I think that it is time for some to raise their heads out of the sand…it is almost like the saying: I hear nothing and I see nothing! You cannot deny reality, just like you can’t deny the existance of the sun or the moon.”
أعتقد ان الدولة المدنية في طريقها الي الأنهيار في مصر. هناك أتجاه ديني طاغي لامس حتى نزاهة القضاة! حسب الدستور، المواطن المصري حر في أختيار العقيدة، ليس هناك في الدستور أختيارات محددة للعقيدة لايمكن اختيار غيرها!!. لطالما امنت بضرورة حذف خانة الديانة من البطاقة الشخصية لانها تعطي فرصة لذوو النفوس المريضة للتفرقة في المعاملة -وقد شاهدت ذلك بعيني. ولكن إذا كان ولابد من ذكر الديانة في البطاقة، فمن حق اي شخص ان يذكر ديانته بأمانة ودون ان يخاف على نفسه من بطش السلطة (كما حدث مع الفنان المشهور بيكار عندما أعتقلته السلطة عام 1985 لكونه بهائي) او بطش المجموعات الظلامية التي حاولت قتل هرم مصر الرابع نجيب محفوظ.
اتقوا الله
ايدن احدكم بدين غير منزل من السماء
ايدن منكم احد بدين ( من صنع البشر)
استغفروا الله تعالى
واتقوا الله
هذا شرك بالله العلى العظيم
حسبنا الله و نعم الوكيل فى كل من اتخذ من الحرية قناع للشرك بالمولى تعالى
[...] يوم الجمعة مساءا ضربت رغيفين حواوشي بيتي. كنت قد قررت أن أكون في المحكمة غدا لأشهد يوما سوف يسجله التاريخ. يوم النطق بالحكم في قضية اثبات البهائية كديانة في البطاقة الشخصية. وكان هاجس الحواوشي يلح علي منذ فترة فقررت أن استجيب له لأن مين عارف بكره هيحصل ايه. كنت مشحونا بالتكهنات عن اليوم التالي. من سيكون حاضرا؟ هل سنجد من يتعامل معنا بعنف مرضاة لضميره الديني؟ من سيقف تضامنا معنا في استجابة لحملة نورا يونس والأخوان غربية؟ [...]
كوميديا سوداء « Egyptian Bahá’í بهائي مصري — 2006/12/18 @ 13:43
اشكر لك اهتمامك، واعذر لي قصوري غير المقصود
كانت مدونتي مخصصة لبعض كتاباتي عن التريخ المصري القديم وترجمات متنوعة من اللغات المصرية القديمة
لكني اكتشفت أن لا احد يقراء والغالب هو الهجص
فقررت تغيير المدونة من مصريات إلى سردية ، نوع من السرد اتعرض فيه ايضا للقضايا المصرية، يسرني التواصل معكم
نورااااااااااااااا عايزااااااااااااكي ضرورييييييييييييييييييي
أنا نوارة نجم
ضرورييييييييييييييييييييييييييييييييييييييييييييييييي
ابعتي لي على الميل او افتحي المسنجر لو ينفع دلوقت
أنا على الهوت ميل والياهو
nawaranegm
أول ما تشوفي الرسالة بتاعتي لأمر هاااااااااام
ربنا يكرمك جميعا..وعموما للاخوه البهائيون
لو الحكومه المحترمه لم تعترف بكم…فان آلاف المصريون يشيولكم على الراس
والحق اقول انا مش عارف ايه الحكمه من وضع خانه الديانه فى البطاقه غير التمييز والعنصريه..
والحمد لله انى لا احمل لا بطاقه ولا بسبور مصرى
الحكمة من خانة الديانة ان في أحوال شخصية: جواز وطلاق وميراث. وطالما ان الموضوع يمس الأحوال الشخصية يبقي كل واحد هيبقي عنده قناعات معينة بخصوص الحاجات دي والقناعات دي احتمال كبير تكون من دينه اللي بيعتنقه ، وبيؤمن ان تشريعات الله في هذه المسائل يجب أن تحترم من جهة كونها منزلة من عند الله، ومن جهة كونها تمس مسائل شخصية. لذلك فخانة الديانة ليست للتمييز والعنصرية والحل ليس بالغائها بل بتمكين المواطن من اعلان هويته كما يريد بعيدا عن هيمنة الدولة ورغبتها في قمع الهويات الدينية من أجل “وحدة” مزعومة و “تسامح” فارغ.
والدين عندنا مكون أساسي في حياتنا وليس الحل في استفزاز الناس بالغاء الخانة. ولا داعي للمقارنة بدول غربية أو شرقية؛ لأنهم باردو مش هيقارنوا نفسهم بينا في حاجة. نبحث عن حلولنا بأنفسنا دون مقارنة لأن المعطيات الثقافية مختلفة بل وقد تكون متناقضة.
معلش أنا طولت بس موضوع الهوية الدينية ده بالذات باعتبره حرم مقدس بلاش الدولة ولا زمرة المثقفين يحاولوا يستفزوا المصريين بالذات فيه.
مختار: أنا متفق معاك. لسه امبارح صحفية بتسألني أنتو بتطالبوا بالغاء خانة الديانة، قلتلها مش بنطالب بده ابدا واحنا عارفين انه مش هيحل المشاكل احنا بنطالب بعدم اجبارنا على تدوين ديانة غير اللي أنا مؤمن بيها، حتى مش باطلب اكتب ديانتي واثبتها واعترف بيها عشان بس نظرية المؤامرة. انا موافق اكتب “أخرى”.
إلغاء خانة الديانة خطوة رمزية مش أكتر وربطه كمطلب بقضية البهائيين مضر بالبهائيين في رأيي. خاصة ان مشاكل البهائيين اللي انا شفتها مرتبطة بشهادات الميلاد وشهادات الوفاة واستمارات جواز السفر وحتى استمارات مكتب التنسيق. يعني حذف الدين من البطاقة الشخصية مش هيحل المشاكل.
بالمناسبة الدين مش موجود في البطايق في دول كتير جنبنا زي قطر والإمارات وعمان والكويت والعراق ولبنان والجزائر وموريتانيا.
أنا مش بافهم كتير في أنظمة الحكم بس من زمان وأنا باعرف ان رئيس وزراء لبنان بيبقي من السنة ورئيس الدولة مسيحي .. يبقي ازاي بيحددوا الحاجات دي من غير أوراق رسمية تثبت ديانة كل واحد؟
ولو المعلومة دي غلط ياريت حد يتكرم ويوضح الصح.
وبغض النظر عن دول العالم التالت والرابع والأول ، احنا مش ملزمين نلغي الخانة عشان بوركينا فاسو قامت بالغائها. حتي لو اتلغت ، الأسماء تدل في أحيان كثيرة علي انتماءتنا الدينية.
يا حسام ماهو الأخ الصارم الحاسم قاللك السبب في الغاء خانة الديانة في الدول العربية دي. كلهم هناك مسلمين (%100 حسب احصاءاته ولما اعترضت هزها الى %98) مش محتاجين يحطوا الديانة. وسلملي على حصة التاريخ والجغرافيا.
في واحدة مصرية اتصلت ببرنامج القاهرة اليوم من أبو ظبي وكانت بتتعجب ان فيه حاجه اسمها بهائية وبتجزم ان مافيش في بلاد العرب غير مسلمين ومسيحيين. كنت عايز ارد عليها واقولها يا مدام انزلي شارعكو في أبو ظبي حتلاقي تلات تربع الناس يا سيخ يا بوذيين يا هندوس.
العرب فيهم مسلمون و مسيحيون و نصارى و يهود و يزيديون و صابئة (مندائيون) و دروز و بهائيون و ديانات طبيعية أخرى مثل ديانات جنوب السودان مثلا (حتى الآن هو جنوب السودان، و لا نعلم ما سيحدث بعد قليل)، و طبعا لادينيون.
يقيم و يعمل في بلاد العرب بوذيون و هندوس و سيخ و غيرهم الكثير.
لكن يا مختار في مناصب الدولة العليا الموضوع لا يحتاج إثباتا، فهل تظن أنه يمكن أن يدّعي شخص أنه من دين غير دينه ثم يتمكن من الوصول إلى مثل ذلك المنصب و لا يجد من يعترض! السياسيون يكون لهم تاريخ طويل و لا يعينون في المناصب بالبراشوت مثل عندنا. و لهذا أيضا أرى أن الزواج آخر ما يهم فيه هو حقيقة ديانة الشخص. لو وصل الموضوع إلى الزواج فأظن أن حجم الثقة يجب أن يكون تجاوز هذه النقطة بكثير، ثم من في مصر يتزوج دون معرفة الأهل و الأصل و الفصل!
في مصر، حسب صاحب الأشجار، لم تكن الأوراق الرسمية تذكر الدين
طبعا ليس علينا أن نفعل شيئا لأن دولة أخرى فعلت مثله.
تصحيح:
ديانات جنوب السودان أقصد أنها موجودة في بلد عربي، و ليس أن أتباعها عرب. لكن المشاكل في جنوب السودان، التي كان من أسبابها اضهاد الشماليوين العرب المسلمين للجنوبيين الأفارقة غير المسلمين و التي أدت أيضا إلى شيوع تحول الجنوبيين إلى المسيحية كتحدي لمضطهديهم من المسلمين، تجعلنا نتريث قبل أن نتحدث عن السودان في شكلها الحالي كدولة.
البهائية ليست دين حتى يطالب البهائين باثبتها فى البطاقات الخاصة بهم وان الاديان السماوية هى بالترتيب اليهودية والمسيحة والاسلامية وان سيدنا محمد صلى الله عليه وسلم هو خاتم الانبياء والمرسلين ونا اؤيد بشدة الحكم القضائى الذى صدر برفض دعوى البهائين …
ونفسى يعود البهائين الى الطريق المستقيم وهو دين الاسلام الذى اعزنا الله عز وجل بالانتماء اليه ..
البهائية ليست دين حتى يطالب البهائين باثبتها فى البطاقات الخاصة بهم وان الاديان السماوية هى بالترتيب اليهودية والمسيحة والاسلامية وان سيدنا محمد صلى الله عليه وسلم هو خاتم الانبياء والمرسلين ونا اؤيد بشدة الحكم القضائى الذى صدر برفض دعوى البهائين …
ونفسى يعود البهائين الى الطريق المستقيم وهو دين الاسلام الذى اعزنا الله عز وجلبالانتماء اليه ..
http://tarek-m-aly.maktoobblog.com/
الافوكاتو المصرى
اكيد اي واحد بيحب البلد دي لازم ييأيد حريه التعبير بشكل متحضر
وحريه الاعتقاد موجوده في الدين الاسلامي ولا يوجد بالدين الحقيقي اي اجبار علي اعتناقه
والدين ليس مسؤل عن تصرف اي احد من معتنقيه فهذا محسوب عليهم وليس عليه
ولكن ايضا يجب حمايه بنتي وابني من مدرس او اي فرد يحشو راسهم باي افكار هدامه او اي افكار لا اوافق عليها بصفتي والدهم ولهذا لا يجب ان توضع الديانه في البطاقه ليكون من حقي اختيار من يؤثر في اولادي
All these noise is useless. Egypt is one of the countries that has this item in the ID-Card about the religion. I understand its importance in case of sudden death, inheritance, blood transfusions, and so on. But I don’t think it bears any value or give a social rank to the bearer. So I suggest that this item be removed from the ID card and from the Passport. Yet, it should be replaced by an index to the desire to be treated as WHAT in case of emergencies. That is all about it. Then there is no need to courts, noise, crying, and waste of time.
السيدة / نورا يونس
اشارة الى الموضوع المثار لما لا نترك كل من هب ودب من اصحاب الاهواء المختلفة وهى كثيرة جدا يفعل ما بدا له مما تمليه عليه هذه الاهواء
فمثلا من حق اللص ان يسرق لانه لا يجد عمل
ومن حق العاهرة ان تأكل بثدييها كى لا تجوع
ومن حق كل من له حق وليس له حق ان يفعل مايشاءوقتما يشاء
الاخت نورا واضح جدا انك لا تعلمين من هم البهائيين ومن خلفهم ومن يمولهم ومن يساندهم.
تقولين دينهم ودين ابائهم اى أباء تقصدين وعن أى دين تتحدثين
هناك حقوق يجب المطالبة بها واناس من حقهم ان يجدوا من يدافع عنهم فقط من اجل رغيف العيش
الاخت العزيزة/ انت لاتعرفين كيف يعيش البهائيين فى مصر
كلمة البذج والرفاهية والاسراف والانحلال لا تصلح لوصف معيشتهم ومن اين لهم ذلك ان كانوا مضتهضين ومحاربون ولا يجدون العمل
تحققى اولا ومن ثم …………
مصطفى
أفحمتنا بجد يا أستاذ مصطفى
السيد مصطفى واذا كنت انت تعرفهم قل لنا كبف يعيشون واذكر لنا اسم واحد منهم واذكرك بالاية القرأنيةالكريمة ” ان جائكم فاسق بنبأ تبينوا ان تصيبوا قوما بجهالة فتصبحوا على ما فعلتم نادمين” صدق الله العظيم فارجوا تحرى حقيقة هذا الدين العظيم الذى ارسله الله لكل البشر ولك ان تعرف ام لا فلا اكراه فى الدين ولكن القاء التهم على الناس جزافا يحاسب عليه القانون واغلب الظن انت لا تعرف اى بهائى ولكنك تردد ما يقوله الاخرون الذين هم ايضا لا يعلمون واخيرا مصر لكل المصريون فهى ليست فقط وطن نعيش فيه ولكنها وطن يعيش فينا ولا توجد على الارض قوة تستطيع ان تاخذ منا حق حب الوطن ولا يوخد خيار اصعب من وضع الدين فى خيار صعب امام الوطن لانه ايضا الدين يعيش فينا وله كل اولويات الانسان وشكرا نورا
مصرية بهائية
موسيقى السرب
من فضلك انظر هذا السرب
كل الطير يتمايل في استرخاء . يتناغم . يسمو وكأنه عالم ارواح . اتمنى ان اصبح طير اتأمل هذا الكون اتراقص اتمايل اتناغم استشعر هذا الوحدة والجمع . تتحد الارواح ويعم الفرح .
اتسائل هل يوجد انغام في الكون؟ لايمكن ان ترقص تلك الاطيار على موسيقى الصمت لابد في الكون انغام تشبه انغام الفالس . انغام لاتعرف معنى الغم .
اتسائل نحن الانسان ، نحن الفرد ام نحن الجمع ، لماذا اختارنا موسيقى الوحدة والصمت ؟ لماذا اختارنا الاشمئزاز من الغير وكل الغير؟ لماذا اختارنا رقص الخيلاء والشذ بعيدا عن كل الجمع .
ماهذا الصخب ؟ ماهذا الدق ؟ ماهذا الطرق ؟ انها موسيقى الجاز والسولار وكل النيران !
اتسائل ثم اتأمل في صمت . اتفائل” سيعم الفالس ”
بهائي متفائل
اهديها لنورا وشريف وحسام
وكل طيور حقوق الانسان في هذاالسرب،
اهديها لشرقاوي وعلاء ومنال
شباب يتناغم يسمو وكأنه عالم ارواح
شباب مثل الورد
[...] نرجع تاني للحيونات بقا في ناس مفيش في ناس بقا بتتخلي عن كل مواطن المساواة والعدل بين الاديان وحرية العقيدة وبيقفوا ضد الحرية في اسمى معانيها زي ما قالوا عليه وقفت ضد البهائية وضد اللادنين انا بقول للناس دول انتوا فهمتوا الموقف بتاعي غلط انا مع حرية العقيدة وحرية الفكر وهثبتلكم كده النهاردة وهطلب منكم واقفة يوم 30 الي هو اول ايام العيد قدام زريبة الحج حسن الجزار علشان ميدبحش بقر طبعا هيسألني واحد ويقولي ايه علاقة ده بحرية الاديان انت هتستهبل وهرد عليه بمنتهي العقل انا مش بستهبل انتوا يوم 16 الي فات كنتوا قدام مجلس الدولة علشان البهائية وخليها بجميلة بقا للناس الي بتعبد البقر ونقف نطالب بعدم دبح البقر قدام زريبة الحج حسن ونبقا كده اكدنا للعالم كله اننا مع كل الاديان وزي ما قالوا بتوع الهيومان رايتس تعبد بقرة و لا خروف حقك تنزل في الكشوف [...]
يلا مش مهم « مملكة المتشردين — 2006/12/30 @ 10:59
بصراحة كلام الأستاذ مصطفى كلام جديد خالص أول مرة اسمعه. يعني سمعنا كتير كلام عن العقائد الفاسدة أو العمالة لإسرائيل. لكن البهائيين عايشين في بذخ واسراف وانحلال؟ فين دول عشان “يسرفوا” عليا! أنا مش عارف أسحب مرتبي من البنك عشان ماعنديش بطاقة.
يظهر في حاجة في الجينات بتاعة الناس اللي مصرة على انه لايوجد غير ثلاثة ديانات سماوية لازماً وحتماً الناس كلها في مصر تدين بيها. “لا اكراه في الدين” وسيدنا محمد ساب الكفار في قريش ولم يجبرهم على الدخول في الدين. مرة تانة؛
انا ضد خانة الديانة في البطاقة والباسبور، ومصر هي البلد الوحيد في العالم اللي بتحط الديانة في الباسبور؛ زميلتي من سوريا صعقت لما شافت مكتوب في الباسبور بتاعي “الديانة” وأعتبرت ده تخلف، لأنه تصنيف للأشخاص تمهيداً للتعامل معهم على أسس مختلفة. اللي بيقولوا نعمل ايه لو واحد مات في الشارع، الأجابة بسيطة؛ نفرض انه اتحرق، اوغرق،او حتى مكانش معاه بطاقة من أساسه؛ في أوراق رسمية أخرى ممكن يتحط فيها الدين زي شهادات الميلاد. الموضوع لايطاق؛ انا قلت قبل كده عند علاء ومنال، انه انا بيحيني ناس علشان يشتغلوا السي في بتاعتهم في دينهم!!! طب وانا مالي دينهم ايه؟!!!
شكراً يا نورا على انك دعمك للقضية دي لانه انا شايف المستقبل في مصر مظلم جداً بالطريقة اللي بفكر فيها الناس دي!
نهضة مصر
Dear Nora,
I’m a German researcher who is interested in Egyptian reactions to the Baha’i Faith and civil society support for the Baha’is’ citizens’ rights. There are a few things I would like to ask, but I would prefer to do so privately by e-mail instead of publicly by commenting on your post (which was the only way of contacting you I could find on your site). Would it be possible for you to write me a short mail? I’d be eternally grateful.
(You can delete this comment if you like, it’s not really a comment.)
Yours
Johanna
I applaud Nora for this wonderful blog. The only way to dispel darkness is to provide light. The only way to dispel ignorance about any subject is to inform. The only way to deal with prejudice is to educate. The only way to deal with injustice is to be patient, to persevere, and to be persistent. The only way to be respected is to respect others. The only way to be be free is to respect the freedom of others. No one can control the conscience of another. No one can dictate beliefs and religion on another. Religion is love and servitude, it is not a weapon to hurt others with. True religion is the foundation for good
intentions, better understanding and good deeds.
About Egyptian Baha’is, they possess the highest moral character, if they did not they would have claimed to be Muslim or Christian to avoid controversy and preserve their personal self-interest. What is important to them is to live their Faith and to be truthful. No government would encourage its people to falsify official documents and no just society would force people to misrepresent their beliefs. They chose adversity over convenience because of their sincerity. They chose to be insulted by others over the only other path before them which is falsifying official docuemtns. They are courageous in their stance, strong in their beliefs, sincere in their love of their country, dedicated to good deeds and high moral principles, and only ask that they be not put i a discriminatory position so long as they respect the laws of the country. And to those who have heard otherwise about the Baha’is, before you judge them get to know them. Before you condemn them, find out the truth about them and their Faith first. El-Adl Wal-Ensaf are characteristics of good people, such as the great people of Egypt
hi nora, please contact me as soon as possible….need to do some journalistic stuff. my email: hebatallah_h@yahoo.com….thanks
إلى السيد / محمد حسني مبارك رئيس جمهورية مصر العربية
تحية طيبة و بعد ،،
أنا مواطن مصري اسمي أحمد حلمي محمد عبد الوهاب بهائي الديانة ، كنت أطالع صحيفة الأخبار يوم الأربعاء الموافق 27 ديسمبر 2006 و أعجبتني كلمة سيادتكم الواردة في الصفحة الأولى ( …. كلنا مصريون متساوون في الحقوق و الواجبات …) و أيضا في الصفحة الخامسة عنوان كبير عن الإصلاح الدستوري ( تأكيد المساواة بين المواطنين و عدم التفرقة بسبب الجنس أو الدين أو الأصل )
و بعد قراءتي لتلك السطور و لإيماني بأن سيادتكم تفي بوعودك و بأنك أب لكل المصريين فقد قررت أن أكتب هذا الخطاب كمواطن مصري و ابن من أبناء مصر يرى أن من حقه عندما تنفذ جميع السبل المشروعة للمطالبة بحقه و عندما تغلق جميع الأبواب أمامه أن يطلب من رئيس الجمهورية الاستماع إليه بل و مقابلته و يكون مسئولا عن حل مشاكله و الوقوف إلى جانب أبنائه الذين لا يريدون منه سوى حقوقهم المشروعة و هي حقوق المواطنة و عدم التفريق بينهم و بين باقي مواطني مصر و ذلك لأنهم يعتنقون الدين البهائي في بلد لا تعترف به
سيادة الرئيس لقد أحزنني حكم المحكمة الإدارية العليا بعدم أحقية البهائيين في استخراج أوراق شخصية إلا إذا وافقوا على كتابة أحد الديانات الثلاثة ( الإسلام و المسيحية و اليهودية ) فهو حكم يحرم مواطنين مصريين من حقوقهم الأساسية أي من وجودهم و حياتهم و حتى وفاتهم غير معترف بها، فما تنادي به سيادتكم من مساواة بين المواطنين يجد مقاومة من الآخرين الذين ينادون بعكس ذلك تماما ، و لا أعتقد أنك تقبل بهذا أو توافق عليه
كلي ثقة بأنك على علم بما يحدث على أرض مصر و تعلم تماما بأن البهائيين مسالمين و مطيعين للحكومة . و لا أريد أن أطيل عليك و لكنني كمواطن مصري مولود على أرض مصر و أبي و أمي و أجدادي مصريون أطالب بحقي في استخراج بطاقة الرقم القومي بدون إجباري على إنكار ديانتي أو كتابة دين غير الذي أعتنقه .
فإننا نقبل سيادة الرئيس بكتابة كلمة ( أخرى ) في خانة الديانة أو بتركها فارغة حتى لا يدعي البعض بأننا نطالب الدولة بالاعتراف بالديانة البهائية و هذا غير صحيح بالمرة
و أنا أرجو من سيادتكم الوقوف إلى جانب أبنائك المصريين البهائيين الذين يطالبون بحقوقهم كمواطنين و بحقوق أولادهم في استخراج شهادات ميلاد مصرية لهم حتى يتسنى لهم دخول المدارس و لا يحرمون من التعليم و بحق موتاهم في استخراج شهادات وفاة لهم حتى يتسنى لذويهم صرف حقوقهم و معاشاتهم …… ، نحن نطالبكم سيادة الرئيس بحقوق المواطنة الكاملة و نطالب بتطبيق المبدأ الذي ناديت به على صفحات الجرائد و هو تأكيد المساواة بين المواطنين و عدم التفرقة بسبب الجنس أو الدين أو الأصل
و أخيرا أرجو من سيادتكم أن تولي هذه الرسالة العناية و الاهتمام ، و آمل أن تتأكدوا بأنفسكم من حقيقة الأمر و رفع الظلم الواقع علينا .
مع خالص الشكر و التقدير
مقدمه لسيادتكم
المواطن : أحمد حلمي محمد عبد الوهاب
hi nora,
that is me heba from deustche welle in bonmn… i am trying to reach u to do a small reportage about the influence of blogging in egypt…please contact me asap cause i only have afew days here in cairo then i have to fly back.. my email: hebatallah_h@yahoo.com
hope to hear from u soon
heba
المدونة الرائعة نورا حسني سلام الله عليك ربما يكون من حق أي مواطن أن يعيش في وطنه بسام ، ولكن ليس من حق أي مواطن أن يبتدع دينا ونسلمه طاقة شخية بها بهائي نحن لو إعترفنا بالبهائية اليوم ستظهر لنا القرآنيين غذا ومن بعدها الكثير والكثير ، من حقهم أن يعيشوا معنا ونحن معهم ،هذا ليس نفاق
أما عن الصور التي شاهدتها في الشريط الجانبي وهي عن الوقفة الإحتجاجية الي حصلت في وسط البلد ولكن تعتقدين أن التحرشات قد إنتهت أعتقد بل أثق أنها لم تنتهي وأنا صورت تلك المقاطع وصورت التواجد الأمني
وسلموا لي ع الحبايب سلموا لي
http://allysotak.jeeran.com
مقاطع فيديو لتحرشات وسط البلد 2007 يوم عيد الأضحى
الأستاذ علي صوتك. من حق أي مواطن انه يبتدع أي شيئ ويؤمن به سواء سماه دبانه أو مذهب أو طريقة طالما لا يقوم بأي فعل مخالف للقانون أو فيه ضرر للآخرين. هذا هو المعنى الوحيد لحرية العقيدة الذي لا يجب أن يتجزأ أو يتم تمييعه. ومع ذلك البهائية ليست اختراعا بل هي دين مؤسس في جميع دول العالم وله تواجد في هيئة الأمم المتحدة وله كتابه وشرائعه وليس في تعاليمه أي شيئ مخالف للقانون أو يحمل ضرر أو ترويع للآخرين
(صرخة ألم من قلب جريح من مصر إنظلم)
ليه يا مصر؟؟؟؟؟؟
ليه يامصر
ليه دايماً تألمينى
ليه دايماً تقهرينى
خذينى فى حضنك دفينى
ده أنا بنتك- ده انا بنتك يا آمّا احضنينى
ليه من يوم ميلادى وانتِ بتنبذينى
وف سجونك ترمينى
حتى ولادى… أحفادك عايزه تبعديهم! وعن أرضك تشرديهم!
ليه يا مصر؟
ليه يامصر؟
آه آآآآآآآآآآآآآآآآآآآآآآآآآآآآآه يامصر
كل يوم أقول بكره حتنصفينى ومن غفوتك حتصحى وتحضنينى
لقيتك كل يوم ف غمى بتزيدينى
وعن حبك تبعدينى ايوه عن حبك بتبعدينى
آآآآآآآآآآآآآآه يا مصر
يا مصر مالك
يا مصر مالك ومال دينى؟!
ده الحب هويتى ودينى
ده كل واحد له دينه
وحسابه مع الرب العليم
صدقينى—- صدقينى مش عايزه منك غير كلمة – كلمة ف ورقة تمشى لى الحياة الدنيا—-تمشى لى الحياة الفانيه
صدقينى—صدقينى مش عايزه منك تعترفى بدينى
الدين له صاحب اسمه العليم……..اسمه الحكيم ……. مالك يوّم الدين
و آآآآآآآآآآآآآآآآآآآآآآآآآآآآآآآآآآآآآآآآآآآه آه يا مصر
كفاياكِ قسوة …… كفاياكِ ظلم
ده انت طول عمرك لغير ولادك حاضنه
إيه جرى لك اليوم عن ولادك هاجره؟
آآآآآآآآآآآآآآآآآآآآآآآآآه…… آآآآآآه يا مصر
شوفى عملتى فينا إيه؟
كان عشمى فيكِ كبير
وف نزاهة قََضَاكِ كثير
خيبتى ظنى فيكِى
وقتلتى فرحى بيكِى
شنقتى جوايا الأمل
ان يوم يبقى فيكِ أمل
ياياااااااااااااااااااااااااااااااااااااااااااااااااااااه يا مصر
يا مصر
لازم تتغيرى
لازم تتغيرى
يا مصر لازم تحِليها
وف خانة الديانة بهائيتى تكتبيها
أو أريحك الخانه إلغيها
أو ممكن ب “شرطة” تمليها
أنا راضية بيها
أو بكلمة “آخرى” مش حقول فيها
بس لازم وحياة ربك تحِليها
يا مصر لازم لازم وحياة ربك تحليها
دول ولادك وطول عمرهم عايشيين فيها
ترضيها يا مصر لأولادك لأحضان غيرك يروحوا ليها؟؟؟؟
آآآآآآآآآآآآآآآآآآآه يا مصر
يا مصر ده دينهم… دى عقيدتهم وف دمهم
عايزه تسلخى لهم جلدهم!!!!
عايزه تبدلى لهم دمهم!!!!!
دى علاقة بينهم وبين ربهم
ما لك مالك كده ثايرة ضدهم؟؟؟
أنتِ اللى كبّرتِ الموضوع وفى الإعلام بلّغتى عنّهم
كانوا ساكتين وبالشرطة راضيين وعايشيين
جيتى انتِ وغيّرتى وبدّلتى وقلتى نعمل بطاقات الكترونية
قلنا ماشى
بس”ديننا” فيها مذكور أو ب “الشرطة” مسطور أو ب” آخرى” مقبول
ثُورتى وغضبتى!!!!
قلنا نطلب حقنا… ده حق من وطنا..دى هويتنا من بلدنا اللى عشنا فيها عمرِنا
ما عجبكيش…. رفضتينا .. أهنتينا… أيوه أهنتينا واحنا برضه ساكتين…
أيوه كنا ساكتين
عارفه ليه؟؟؟؟
عارفه ليه يا مصر ساكتين ؟؟
لاننا بالله مؤمنين. مؤمنين!!!!!
لا لا ؟! ده احنا عاشقين
والله عاشقين
والعاشق يرضََى باللى قال له ربه ” عاملهم بالتى هى أحسن”
وخلى لسانك … لسان شفقه.. واصبر إن الله مع الصابرين
وآآآآآآآآآآآآآآآآآآآآآآآآآآآآآه آآآه يا مصر
دينى ده دمى عايزه تغيريه ولاّ تخلطيه!!!!!!
ده جلدى عايزه تسلخيه!!!!!!
ده كلّى ….. ده أولى وآخرى ..ده بدايتى ونهايتى..
ده هوّ عمرى ده هوّ عمرى
ده اللى لىّ—-ده اللى لىّ واللى به حقابل ربى
مهما قلتى مهما عملتى مهما معايا كنتى
مش حتغير وبدينى عمرى ما حتحير
لأن ربى قال لى:
يا ابن الإنسان
لكل شيئ علامةٌ، وعلامةُ الحب الصبّر فى قضائى والاصطبار فى بلائى.
وانا وأنا لحبه صابره وعلى بلائى منك له شاكره—-أيوه على بلائى منك له شاكره.
وآآآآآآآآآآآآه يا مصر
يااااااااااااااااااااااااااااااااا مصر
يا مصر
دى علاقة بينى وبين رب الكون
ايه يا بنى الإنسان راح تكون!!!!؟؟؟؟
يااااااااااااااااااا مصر
أنا لسه بحبك— والله بحبك وباقيه على قربك وحفضل صابرة فى أمرك
يا مصر
ما فكرتيش لحظة … أنا ليه كل ده صابره؟؟؟؟!!!!
وعلى اهانتك وسجنك لىّ وضغطك علىّ مش هاربه؟؟؟؟!!!!
فكّرى يا مصر فكرى يا مصر
عارفه ده كله ليه؟؟؟؟
لأنى لربى عاشقه ….. والله والله والله له عاشقه
وصابره
لأنى فى جنته عايشه
وهوّ قال لنا حُبه من حب العالم
والفخر مش بس احب وطنى لا- لا أحب العالم
و بحبه هايمه-والله بحبه هايمه
صدقينى صدقينى بنحبك يا مصر
وانت عارفه بنحبك يامصر
وآآآآآآآآآآآآآآآآآآآآآآآآه منك يا بلدى يا مصر
ليه تخلى الدين يفرّقنا… ده الدين من الله
ولابُد يجمعنا
ده الرب واحد….. والعمر واحد… وف الآخر هوّ بس اللى بيحاسب
يا بلدى يا مصر يااااااااا بلدى يا مصر
يا مصر
افتحى قلبك للكل يا مصر افتحى قلبك للكل
دورزى بوذى يهودى مسيحى مسلم بهائى
أياً كان معتقده أو دينه
ما لك انت كل واحد له ربه
افتحى قلبك بالسلام…. بالسلام يا مصر مش بالكلام
بالسلام يا مصر مش بالكلام
يا مصر
يا أرض الأزهر الشريف….
يا مصر يا أرض الرسالات
فوقى واصحى من كهفك.. وفوّقى ناسك
فوقى يا مصر ومن غفوتك قومى
دى مش غفوة ده انت بقيتى من أهل الكهف—- انتى بقيتى من أهل الكهف
كفاياكى احزان لأولادك وناسك
ده مايرضيش ربك ولا يرضى مكلم الطور ولا عيسى اليسوع ولا مُحمد نبيكِ حبيبك
يا مصر
كفا ياكى عناد كفاياكىِ ظلم
بإيدك على أهلك جُورتى
وبقوانينك على اولادك ما عدلتى
يا مصر ………….. يااااااااااااااااااااااااااااااااااااااا مصر
يا مصر
فوقى يا مصر
فوقى يا مصر يا بلدى
فوقى ..ده ربك صاحى ما بينّمشى
وبكل نفس منك واعى ولا يفوّتشى
وحالف حالف ما يسيب اللى سابه
ولا حينسى لواحد ولو حرف اسود كتبه ف كتابه.
وآآآآآآآآآآآآآآآآآآآآآآآآآآآآآآآآآآآآآآه آآآآآآآآآآآآآآآآآآآآآآآآآآآآآآآه يا بلدى
يا حبيبتى
ياااااااااااااااااااااااااااااااااااااااااااامصر.
(بهائية مصرية)
بصراحة في منطقة عربية انتشر فييها القتل على الهوية من لبنان الى العراق أتمنى إاغاء خانة الديانة لتوفير الارواح عند المصائب …
I think this is all nonsense. I wish you look at the poor people on the streets, look at the corruption in every level around us.
I don’t see a problem of writing your religion as Muslim, as long as no one will force you to pray fajer or attend Friday prayer.
after all Egypt is a Muslim country and no one will ever change that fact. remember that Ms. Rice plan to create a mess in the region is not going to work if you forget all that nonsense, and start focus on the main issue.
Look at what is happening in Palestine, Iraq and Lebanon.
Most of the reasonable people won’t listen to you because simply, you are helping Rice and Jews to implement the old plan (divide and rule).
This time they will change the way of destroying us, starting with Radio Sawa and dividing us from within ourselves, under the name of human rights witch they are not using and will never do.
GOOD LUCK EGYPTIANS AND STAY TOGETHER
I think this is all nonsense. I wish you look at the poor people on the streets, look at the corruption in every level around us.
never do.
GOOD LUCK EGYPTIANS AND STAY TOGETHER
أنت فين يا نورة كل كام يوم بفتح مدونتك ومش بلاقى جديد أنت فين وغايبة ليه لعل المانع خير .
جندى مستجد انا شوفت العذاب الوان فى مركز التدريب واسواء ما فى التدريب الاهانة وسب الام والاب وحرم الانسان من حقوقه الانسانية مثل دخول wc والطعام لا يستحق كلمة طعام لانة لا يصلح الا لطيور والحيوانات مثل القطط لكن اهو احسن من ما فيش
الشويش طة والصول عيد محمد عبد المحسن و الشويش شكرى جلال والقائد مجدى احمد محموددول رمز الرجولة يعملونا على اساس اننا اصدقاء واخوات فا هما دول اللى بيهونا الايام الصعبة دول فى مركز تتدريب الشرطة العسكرية
امضاء
جندى مستجد
حقوق الباهائين وحقوق المراءه وحقوق الاقباط وحقوق الشواذ وحقوق اهل النوبه وحقوق اليهود المهاجرين من مصر بعد الثوره… ثم ماذا
هل القضيه فعلا قضيه تغيير خانه فى البطاقه ام الامر يتعدى هذا
هل حصل المواطن المصرى البسيط على كل حقوقه حتى يبحث البعض عن بعض الامتيازات الاخرى.. وهل نحن وصلنا لمرحله من الترف الحقوقى حتى ننفصل كمواطنين ونتحرك كأصحاب اعراق او ديانات مختلفه !!
للاسف ان كل من يتفرس فى الواقع بحياد يجد ان كل متعالوا الاصوات لهم اجندات مختلفه عن واقع جهادهم المزعوم .. فكم عدد البهائيين فى مصر..
ان كل شعب مصر فى خندق واحد سواء كانوا مسلمون او غير مسلمين ..
فالحكومه لها اجنده واضحه ومستمره وهى اضعاف المجتمع المدنى ككل وهذا لا يمكن حدوثه الا بالتدمير طويل الاجل كتأميم المساجد والجمعيات او وضع النقابات تحت الحراسه او ما شابه ذلك ثم بتفريق الشعوب بتبنى ابواق تبث الفرقه بيننا كمختلفى الاديان او الاعراق او بتبنيها لقضايا
وهميه ومن ثم الالحاح عليها لغسل العقول..
بربكم هل الحكومه المصريه تخاف على الاسلام واهله لذلك تمنع البهائيين من ممارسه شعائرهم ؟ هل نحن فعلا بمثل تلك السذاجه حتى ننحرف يمينا او يسارا ونفترق من اجل لا شىء.. ان كان البهائيون يطلبون نوعا من الحق لهم فأنا كمواطن مصرى بسيط اطالب بالاف الحقوق لى ولاهلى
فهل سأرى منكم تأيدا ام ان فى بلادى يجب ان اكون بهائيا او قبطيا ليقف بجوارى اصحاب الاصوات العاليه..
لك الله يا مصر
هو كل حاجة تحصل قول الحكومة سيبو الحكومةفى حالها وبعدين انتا يا اخ حامد اولا ما فين دين اسمة بهائيا الدنيا كلها عارفة ان فية مسلم ومسيحى ويهودى هما دول اللى الكتب جاءت بيهم مش بهائيا دا اية الدين دا علشان تبقى عارف انا مش مع الحكومة على الرغم انى فرد منها الوقتى بس انا مسلم انتم عوزين تعملو تفرقة بين شعب مصر ودا مش ها يحصل ابدا طول ما فية وعى مصرى بين اهل مصر وانا بسمى اللى بيحصل من الحكومة دا ضعف مش اهمال وعلى فكرة انتا اكيد مش مسلم
ولا مسيحى ولا يهودى انتا اكيد بهائى زى ما بتقول
وعموما اقولك فية قاضة كتير عندهم ضمير من ضمنهم قائد مركز تتدريب مركز الشرطة العسكرية مجدى احمد محمود والصول عيد عبد المحسن والشويش
شكرى والشويش طه دول بيخرجو اجيال صح
وبيخوا على مصر امضاء
جندى مستجد
مركز تتدريب الشرطة العسكرية
[...] شهر كئيب عليا قوي.. 16 ديسمبر رحت المحكمة.. قضية الأستاذ حسام الله يصبره.. عددنا كان قليل قوي على [...]
Nora Younis » ماشي الحال — 2007/02/17 @ 10:02
وبعدين بقى في حالة الانكار دي؟؟ الناس اللي عماله تقول مفيش بهائيين مفيش بهائيين مفيش بهائيين. أحب أقولكم
بـــــخ
أحب أقدملكم بيلو ورامي والدكتورة بسمة وغيرهم وغيرهم.. والله نفسي تقابلوهم.. ولا تلاقيكم بتقابلوهم وتكلموهم كمان بس بترجعوا تنكروا
أحب أؤكد لكم أن فيه مواطنين مصريين أبائهم واجدادهم واجداد اجدادهم مصريين وماجوش من دولة تانية ولا حاجة وماهماش جزء من مؤامرة عالمية ولا منظمة دولية تعمل من أجل السلام ولا الموساد ولا الكي جي بي، بس هما مش مسلمين، ومش مسيحيين، ومش يهود، ومش ملحدين.. هما شايفين انهم بهائيين! سيادتك تحب ترتكب جريمة قتل وتخلص منهم؟ الناس مش عايزة غير بطاقة شخصية يا جدعان.. بطاقة.. بس! يا ساتر
على فكره انا من المؤيدين فى حقكم ان نكنبوا الديانه على البطاقه
ومع العلم انى مسلم
لاننا نريد ان نعرف من منا مسلم او مسيحى او بهائى
وممكن يبقى مكتوب مسلم وهو مش مسلم ويحدث فتنه بين المسلمين
وعلى فكره كل من يدخل هذه الديانه فقد اشرك بالله
اتقوا الله وارجعوا
انا لا أومن ان هناك دين اسمه البهائية ولكن أوافق على كتابة بهائى فى الوثائق الشخصية حتى لا يحدث تحايل على الاخرين فى مسائل مثل الزواج وغيره
[...] Nora Younis » من حقهم … والقانون والاتفاقيات الدولية والمنطق بل ولأحكام الدين … والحمد لله انى لا احمل لا بطاقه ولا بسبور مصرىnorayounis.com [...]
بوابة » Blog Archive » بطاقه الدين — 2007/05/15 @ 22:12
ياجماعه انا قرات كل الكللام الجميل اللى حضراتكم كتبتوه ولكن لى تعليق مهم الدين الاسلامى هو الحل ولا اله الا الله محمد رسول الله فبالله عليكم كيف تتركون من يقول انه لا للحجاب ولا للبعث ولا للجنه ولا للنار وانا رسولنا الكريم ليس باخر الانبياء اعزعم الله جميعا وكرم وجوههم اجمعين
[...] Nora Younis » من حقهم … والقانون والاتفاقيات الدولية والمنطق بل ولأحكام الدين … والحمد لله انى لا احمل لا بطاقه ولا بسبور مصرىnorayounis.com [...]
لكِ » Blog Archive » بطاقه الدين — 2007/07/10 @ 20:28
[...] Nora Younis » من حقهمالبقاء على دين آبائهم. من حقهم يكونوا أنفسهم … والحمد لله انى لا احمل لا بطاقه ولا بسبور مصرىnorayounis.com [...]
لكِ » Blog Archive » دين بطاقه — 2007/07/10 @ 20:29
one can be open minded to acknowledge certain facts Bahai religion exists in Egypt, Satantics exitsted in egypt, lots of religions that one can remember existed in egypt but not anymore or it will always remains hidden it would be a lost cause to fight the entire system , go ask for human right else where , you are in the wrong country, cause it’s simply against the whole system
M.Sabry (Open Minded)..s
[...] محكمة القضاء الادارى ومجلس الدولة تحت عنوان “ النظام القانونى المصرى ومبادئ حقوق الإنسان “ نشرت ” البوابة القانونية ” من إعداد: المستشار سناء سيد خليل رئيس الاستئناف والمشرف على الإدارة العامة لشئون حقوق الإنسان بوزارة العدل شرحا لعمل الهيئات القضائية بمجلس الدولة طبقا للنظام القانونى المصرى وحيث ان قضية التوأم البهائي الذى يعيش بدون شهادة ميلاد سوف تعرض يوم 4 سبتمبر على القضاء الادارى اردت ان اذكر نبذة عنه وكيفية عمل هذه المحاكم حتى تعرفون لماذا ترفع القضايا من هذا النوع امام هذه المحكمة دون غيرها ولو انى اتسأل ” فين القضية” [...]
محكمة القضاء الادارى ومجلس الدولة « بـا قــــة و ر د — 2007/09/02 @ 23:48
لله الامر من قبل ومن بعد الديانه يا مسلم يا مسيحى يا يهودى ومن بعدهم كله سواء ربنا يهدى عبيده
حرية الاعتقاد مكفولة للجميع
يوم ما .. صرح أحد علماء الأزهر فى أحد البرامج ان البهائيون ليس لهم مكان فى مصر ويروحوا شيكاغو او اى مكان غير مصر .. وقتها شعرت إنى عايزة أقبل تراب بلدى ووجدتنى أعلن حبى لبلدى الغالى بكلمات يصرخ بها قلبى ووجدانى قبل لسانى لأقول .. مصرية انا مصرية .
ومصريتى غالية عليا ……. وأغلى من ضى عنيا
يا زينه يا بلدى يا حبيبة ….انتى الآمان والدفى والطيبة
وفى قلبك انتى الحنية …… مصرية انا مصرية
انا اللى كبرت على أرضك .. تحت شجرك وقمرك وضلك
وانا اللى سهرت فى ضيا قمرك .. أرسم أحلامى الوردية
مصرية انا مصرية ***************
واللى روانى نيلك ……… وميته أحلى من السكر
على ضفافة واقف ….. جدع حليوة أسمر
بيقول غناوى الحب ……. لصبية بتوب أخضر
عيونها بلون الليل …….. ضحكتها مسك وعنبر
سحر الجمال ساكن …….. خدودها الوردية
مصرية انا مصرية ****************
وعلى بساطك أتجمعوا … خلان وفى وسطهم راوى
ماسك ربابة عاشقة النغم …. بتقول وتنشد حكاوى
وأصيلك يا شمس ………. مايل فى حضن الغناوى
فارد شعاع من دهب ….. على أرضك الحرة الأبية
مصرية انا مصرية *****************
ولادك يا بلدى دول ناسى …… وكل أصحابى
فى أفراحى بشوفهم … أهلى وأحبابى
وفى شدتى بلاقيهم ……… ديمآ على بابى
يمسحوا دمع الحزن ….. بصفاء القلب والنية
مصرية انا مصرية *************
وولدك ده ولد فارس ……. من ولاد بلدى
هو أخويا وأبن عمى … وأبويا وولدى
عيونه أمل نهار …. وصوته نبض الحرية
على كتافه حملك يا بلد … واجب ومسؤولية
بيحول الأمل عمل …. بالفعل مش بالكلام
يتمنى يطلع نهارك … يا بلد فى يوم من الأيام
ويكون غيامك ده ….. سحابة صيف معدية
مصرية انا مصرية *************
مشيتك يا بلدى …… حارة ودرب وشارع
دخلت المعابد …….. والكنايس والجوامع
لقيت حس الإيمان واحد .. والكل خاشع لحب الكلمة الألهية
مصرية انا مصرية **************
أوصف أيه وجمالك ….. يا حلوتى قصة وحكاية
وأسمك على لسانى ………. موالى وغنايا
عاشقة جمال ليلك …. ويا رتنى كنت نجماية
سهرانة ويا القمر … أونس عيون الصبايا
وأستنى بشوق شمسك …. بأنوارها الفضية
مصية انا مصرية *************
بيخيرونى ليه بين دينى …. وأرض بلادى
دى أرض أمى وأبويا … ومن قبلهم أجدادى
ومن بعدى حضن ……… لولادى وأحفادى
جيل من جيل ……. بحبك يا مصر بينادى
أنتى كرامتى وعزتى …. وكل شىء ليا
مصرية انا مصرية … ومصريتى غالية عليا
تم إضافة وأرشفة هذه الصفحة فى محرك البحث البهائى :
http://bahaiengine.1sthoster.com/search.php
صاحبة هذا البلوغ مغفّلة جاهلة متخلفة!
تدافعين عن البهائيين يا غبية يا أغبى أهل الأرض ؟
شل الله لسانك واصبعيك يا متخلفة
خواطر بمناسبة حصول مصر على عضوية المجلس العالمى لحقوق الإنسان
يامصر هامتك عليت
والفرح ازاى اداريه
ماهو اللى راسه بتعلا
لازم يشوف رجليه
الشعب طحنه الفقر
والظلم طال لياليه
والشعب برضه يحبك
وأقل شىء يرضيه
القهر يعصر قلبى
والاقيكى برضه فيه
قاعدة ومتربعة
وحبك مكلبش فيه
يامصر يا أم الدنيا
حنى على ولادك
دى الغربة مرة وقاسية
والغربة فى بلادك
مش قادر ابعد عنك
ولا قادر على عنادك
يوحشنى دايما حضنك
حارمانى ليه حنانك
ده انا مهما تهت ارجع لك
زى السمك والمية
واجرى ورا اخبارك
والا انت سائلة عليا
يامصر ده انتى أمى
نيلك بيحرى فى دمى
حارمانى ليه من حبك
وانا اللى شايل همك
يا مصر يا أم الدنيا
حنى على ولادك
وان مت فى غربتى
لإمتى يامصر هاتفضلي شايله كل ده فقلبك
لإمتى يامصر هاتوجعي قلبنا عليكي